ქვათა ღაღადი (II)

“ქვათა ღაღადი” JumpStart Georgia-ს მიერ შექმნილი ონლაინ აპლიკაციაა, რომელიც საშუალებას გაძლევთ, აღმოაჩინოთ, გამოიკვლიოთ და შეადაროთ სხვადასხვა ადგილის, რაიონის, რეგიონის, ქალაქისა თუ ქვეყნის ძველი და ახალი სახეები.

ფოტოს “სახელურის” გამოყენებით, თქვენ შეძლებთ სურათების ისე დათვალიერებას, რომ დაინახავთ, როგორ შეიცვალნენ ადამიანები, ადგილები, შენობები, ქანდაკებები და ბუნება წარსულიდან დღევანდელობამდე.

"ქვათა ღაღადი" 2013 წლის 23 აპრილს ამოქმედდა და თავდაპირველად მხოლოდ მთაწმინდის რაიონის 64 ფოტოს მოიცავდა. განახლებულ "ქვათა ღაღადს" ვაკისა და საბურთალოს რაიონის 54 ახალი ფოტო დაემატა, მათ შორისაა ფილარმონიის 4 ფოტო და თბილისის სამოქალაქო ომის 5 ახალი ფოტო.

სამომავლოდ "ჯამპსტარტ ჯორჯია" გეგმავს, პროექტის მასშტაბი გააფართოოს და აპლიკაციას დაამატოს სურათები მთელი საქართველოდან და მსოფლიოდანაც კი.

• ორგანიზაცია: JumpStart Georgia
• ჟურნალისტი: ირაკლი ჭუმბურიძე (ჯამპსტარტ ჯორჯია)
• დიზაინერი: ირაკლი ჭუმბურიძე (ჯამპსტარტ ჯორჯია)
• დეველოპერი: ვაჟა ასათიანი, ჯეისონ ედი (ჯამპსტარტ ჯორჯია)
• ენა: English, ქართული
• კატეგორია: გარემო, ეკონომიკა / ბიზნესი, პოლიტიკა, საზოგადოება, ცხოვრების სტილი / კულტურა
• ტიპი: ინტერაქტივი